Shahrukh Khan name is enough:"શાહરૂખ ખાન" નામ સાંભળતાની સાથે જ "ડર", "બાઝીગર", "દિલવાલે દુલ્હનિયા લે જાયેંગે", "કુછ કુછ હોતા હે", "કલ હો ના","દેવદાસ", "દિલ સે", " વીર ઝારા", "ચક દે ઇન્ડિયા", "ડોન", "ડોન-2", "જબ તક હૈ જાન" જેવી અનેક હિટ ફિલ્મોની યાદ આવી જ જાય અને કેમ ન આવે. આ દરેક ફિલ્મો એ હિન્દુસ્તાની ફિલ્મ જગતની સાથે વિદેશની ધરતી ઉપર પણ ગજબની ધૂમ મચાવી હતી. ત્યાર પછી જ તો શાહરૂખ ખાન "બાદશાહ", "બાદશાહ ખાન","કિંગ ખાન" નામથી જાણીતો થયો. આ બધી સફળતા પાછળ શાહરૂખ ખાનનું સંઘર્ષ પણ કઈ નાનું સુનું ન હતું. દિલ્હીની ગાલિયોમા જન્મેલા શાહરુખ ખાનની માતાની ખ્વાહિશ હતી કે તેનો શાહરૂખ દિલીપ કુમાર જેવો મોટો સ્ટાર બને. પંદર વર્ષની ઉંમરે જ પિતાનો દેહાંત થઇ ગયા બાદ માતાએ નાના મોટા કામ કરી શાહરુખનો અભ્યાસ પૂરો કરાવ્યો. અભ્યાસ બાદ શાહરૂખે થિયેટર જોઈન કર્યું, જ્યાં તેના ગજબ અભિનયને જોઈને લોકોએ બોલિવૂડમાં ઑડિશન આપવાની સલાહ આપી. શાહરુખનું સાચું સંઘર્ષ મુંબઈ આવતાની સાથે શરુ થઇ ગયું. મુંબઈમાં દિવસોના દિવસો વીતી ગયા પણ તેને કોઈ જ કામ મળ્યું નહી. આખરે દિલ્હી થી લાવેલા પૈસા પણ પતી ગયા અને હવે એવો સમય આવી ગયો કે ઘરે પાછા જવાના પૈસા પણ ન રહ્યા. આવા સમયે શાહરૂખે મુંબઈના રેલ્વે સ્ટેશનને તેનું ઠેકાણું બનાવ્યું. ઘણી જેહમત કર્યા બાદ "ફૌજી" નામની ટીવી સિરિયલમાં કામ મળ્યું જેને લીધે શાહરુખ ઘર ઘરમાં સૌનો માનીતો થઇ ગયો અને તેના આગવા અભિનય થી બોલિવુડના દિગ્ગજ અને મોટા ગજાના કલાકારો પણ તેની સાથે કામ કરવા પ્રેરિત થયા હતા. આ પછી ફિલ્મો માં તેને પ્રથમ બ્રેક "દિવાના" ફિલ્મ થી મળ્યો હતો જે ખુબ જ વખણાઈ હતી. ત્યાર બાદ તેની ફિલ્મો "બાઝીગર" અને "ડર" ખુબ જ હિટ થઇ હતી જેમાં શાહરુખનો રોલ નેગેટિવ હતો. પણ તેને લીધે શાહરુખ ને જબરદસ્ત લોકપ્રિયતા મળી હતી. સમય જતા તેની ફિલ્મ "દિલવાલે દુલહનીયા લે જાયેંગે" એ હિન્દી ફિલ્મ જગતની સૌથી વધારે ચર્ચિત અને વધારે ચાલનારી ફિલ્મ બની ગઈ. તેની સાથે જ શાહરુખ બોલિવૂડના મોખરાના ડિરેક્ટર અને પ્રોડ્યૂસર એવા "યશ ચોપરા"ના માનીતો એક્ટર થઇ ગયો. યશ ચોપરા અને શાહરુખ ખાન એ સાથે ઘણી ખરી ફિલ્મો કરી જે બધી જ હિટ સાબિત થઇ. આમ શાહરુખ ખાનની ગણતરી બોલિવૂડના સ્ટાર તરીકે ની થવા લાગી. દિલ્હીમાં જન્મેલો તરવરતો છોકરો કે જે મુંબઈમાં માત્ર સપના લઈને આવ્યો હતો અને તેનો આજે દુનિયાના સૌથી પૈસાદાર એક્ટર્સમાં સમાવેશ થાય છે. શાહરૂખ ખાનની લોકપ્રિયતા આજે દુનિયા ના દરેક દેશમાં જોવા મળે છે અને સમય ની સાથે તેની આ લોકપ્રિયતામાં સહેજ પણ આંચ આવી નથી. શાહરૂખ ખાન આજે દેશનો સૌથી માનીતો કલાકાર છે એમ કહી શકાય. ફિલ્મમાં એકટિંગની સાથે શાહરૂખ ખાન પાસે આઈપીએલ માં "કલકત્તા નાઈટ રાઈડર્સ" નામ ની ટીમ પણ છે અને રેડ ચિલીસ નામની કંપની પણ છે જેને અનેક ફિલ્મો પ્રોડ્યૂસ કરી છે. શાહરુખ ખાનની ગણતરી આજે દિગ્ગજ કલાકારોમાં થાય છે અને થાય જ ને રૂંવાટા ઊભા થઇ જાય એવું સંઘર્ષ કરીને કોઈ પણ ગોડફાધર વગર બોલિવૂડમાં 25 વર્ષથી પણ વધારે સમય સુધી ટકી રેહવું એ કોઈ નાની વાત તો ન જ કહેવાય. શાહરુખ ખાન તેની બધી જ સફળતાનો શ્રેય તેની માતા ને આપે છે કારણકે તેની માતાનું જ આ સપનું હતું. some pictures of Shahrukh Khan:  |
| DDLJ |
