કોણ જાણે આજે ફરી કોલૅજ લાઈફ જીવી લેવાનું મન થયું છે.ફરી એ મોટુ પણ ખાલી બેગ ઉઠાવવાનું મન થઇ ગયું છે,
પાણીની ખાલી બોટલમાં યાદો અને સપનાનું કોકટેલ ભરી લેવાનું મન થઇ ગયુ છે.
એક જ ચોપડામાં આખી દુનિયા લખી નાખવી છે.
કોણ જાણે આજે ફરી કોલૅજ લાઈફ જીવી લેવાનું મન થયું છે.
ઢાંકણા વગરની પેન માટે આજે ફરી ફાંફા મારવાની ઈચ્છા થઇ ગઈ છે,
ખોટા બહાના આપી આજે મિત્રો જોડે ઘણું બધું લખાવી દેવું છે,
પાર્કિંગમાં બેસીને આજે ફરી થોડી સલાહ લઇ લેવી છે.
કોણ જાણે આજે ફરી કોલૅજ લાઈફ જીવી લેવાનું મન થયું છે
લેક્ચરમાં જવા આજે તને આગળ કરી દેવો છે,
લેક્ચરમાં બેસીને આજે ફરી તારો નાસ્તો ખાવો છે,
લેક્ચરમાં લીધેલી આધુરી ઊંઘને આજે ફરી પુરી કરવી છે,
કોણ જાણે આજે ફરી કોલૅજ લાઈફ જીવી લેવાનું મન થયું છે.
"તારી માટે તો જાન છે" સાંભળવાનું આજે ફરી મન થયું છે,
કોલેજના ટેરેસ પરથી અધૂરી યાદોને સમેટી લેવી છે,
અધૂરી વાતોને આજે પગથિયાં પર બેસીને પુરી કરી દેવી છે.
કોણ જાણે આજે ફરી કોલૅજ લાઈફ જીવી લેવાનું મન થયું છે.
દુનિયાની વાનગીઓ બાજુ પર મૂકી દોસ્તોના ટિફિનમાંથી આજે પેટ ભરી લેવું છે,
બોટલ ખાલી કરીને આજે તને તરસ્યો રાખી દેવો છે,
પરબ પર આજે ફરી થોડું ઝઘડી લેવું છે.
કોણ જાણે આજે ફરી કોલૅજ લાઈફ જીવી લેવાનું મન થયું છે.
કૅન્ટીનને સરકારી ઓફિસ સમજીને આંટા મારવા છે,
કૅન્ટીનના બિલ માટે આજે તને આગળ કરી દેવો છે,
નાની નાની રક્ઝકમાં દોસ્તોને ફરીથી ફસાવી દેવા છે.
કોણ જાણે આજે ફરી કોલૅજ લાઈફ જીવી લેવાનું મન થયું છે.
દરેક ફંક્શનમાં લોકોના નામ જબરદસ્તી લખાવી દેવા છે,
અધૂરા રહી ગયેલા સેટીંગને આજે પુરા કરી દેવા છે,
બંક મારીને આજે ફરી હોસ્ટેલમાં પુરાઈ જવું છે.
કોણ જાણે આજે ફરી કોલૅજ લાઈફ જીવી લેવાનું મન થયું છે.
~~~~~~~~~~~~~~~~~~~~~
કોલેજ લાઈફ પુરી થાય એટલે કોલેજીયનને ઘણુ દુઃખ થતું હોઈ છે અને થાય જ ને મિત્રો, જ્યાં કોઈ ઓળખતું પણ ના હોઈ એવી જગ્યા એ તમે ઘણા બધા મિત્રો બનાવી લો છો અને એ મિત્રો થોડા સમયમાં તમારા જીવનનો ભાગ બની જાય છે ભલેને પછી એ 3-4 વર્ષ માટે જ કેમ ન હોય. તમારા દરેક કામ અને દરેક પ્રવૃત્તિમાં પેરેન્ટ્સ પછી કોઈ સાથ આપવા વાળું કોઈ હોય તો એ મિત્રો જ હોય છે. આ મિત્રો ભણવા સિવાય તમને લાઈફ વિષે પણ ઘણું બધું શીખવાડી જાય છે.
પોતાના દરેક ગૉલ અને સપનાને પેરેન્ટ્સ ને કેહતા પેહલા મિત્રોને કેહતા હોય એટલા પાક્કા મીત્રોને જયારે છોડવાનો સમય આવે ત્યારે મિત્રોને ઘણું બધું કહી દેવાનું મન થતું હોય છે પણ કોઈ મિત્ર કહી તો ના જ શકે. જેની સાથે ગાળો સિવાય વાત ના થતી હોય એવા મિત્રો સામે સિરિયસ થઈને વાત કરવી એટલે શરમ આવી જાય.
સ્કુલમાં લખેલા "મારો પ્રિય મિત્ર" નિબંધ કરતા કોલેજના પ્રિય મિત્ર કાંઈક અલગ જ હોય છે અને આ મિત્રો સાથે ઘણી બધી યાદો સંકળાયેલી હોય છે. જીવનના દરેક પગલે સાથે રહેવાની વાતો કરતા આ મિત્રો પરિસ્થિતિ સાથે વહેતા વહેતા ક્યાંક દૂર જતા રહે છે અને માત્ર યાદો જ રહી જાય છે. મેમરી કાર્ડના એ "કોલેજ ફ્રેન્ડ્સ" નું એ ફોલ્ડર દરેક ના પાસે બનેલુ હોય છે જે સમય સાથે નામશેષ થઇ જાય છે.